мини| Рембрант, Парабола за скриеното богатство (околу 1630). Парабола за скриеното богатство — една од кратките Исусови параболи, која зборува за големата вредност на Небесното Царство.
Параболата е запишана во канонското Евангелие според Матеј (13:44) и во неканонското Евангелие според Тома (стих 109). Кај Матеј следи Параболата за бисерот, која има слична тема.
Постојат повеќекратни прикази на оваа парабола во уметноста, вклучувајќи ги и делата na Рембрант, Џејмс Тисо, Јан Лујкен и Џон Еверет Миле.
Парабола
Според Матеј Матеј ја дава следната верзија на Исусовата парабола:
Според Тома Тома ја дава следната верзија на Исусовата парабола:
Толкувања Верзијата на Матеј малку се разликува од онаа на Тома. Во Матеј, човекот прво го пронашол богатството, а потоа ја купил нивата, додека во Тома, прво ја купил нивата, а потоа го пронашол богатството. Исто така, повеќекратните промени на сопственоста на полето се одликата на верзијата на Тома.
Оваа парабола обично се толкува како илустрација за големата вредност на небесното царство, во што е слична на Параболата за бисерот. Толкувањата главно се сосредоточуваат на верзијата на Матеј.
Рамката на параболата вклучува некој што закопува богатство в нива, а подоцна умира. Сегашниот сопственик на полето не е свесен за неговото постоење. Пронаоѓачот, веројатно теренски работник, е единствениот кој знае за неговото постоење, но не може да го ископа пред да го купи полето. За еден сиромашен селанец, таквото откритие претставува исполнување на сите соништа.
Жан Калвин верува дека целта на оваа парабола е да ги научи учениците да го преземат царството небесно над целиот свет. Калвин го толкува тоа како да значи дека треба да се откажеме од себеси и од сите желби на телото, така што ништо не нè спречува да стекнеме скапоцено богатство. Калвин забележува дека „многу ни е потребно ова предупредување“ затоа што сме толку воодушевени од заведувањата на светот што вечниот живот исчезнува од нашиот поглед. Џон Ноланд верува дека пронаоѓањето богатство е извор на радост, но и предизвик за пронаоѓачот да продаде сè што има за да стекне поголемо богатство.
Скриеното богатство може да значи и дека Небесното Царство не им е откриено на сите.
Постојат разни други толкувања на оваа парабола, во кои богатството го претставува Израел или Црквата.
Наводи
Категорија:Исусови параболи