Ремеров плускавец (науч. Silene roemeri) е вид цветно растение од семејството каранфили, од родот плускавец, Silene.
Опис Дводомно многугодишно растение високо 15-50 см, со силно разгранет ризом и со неколку куси стерилни гранчиња во основата на стеблото. Стеблото е поединечно, во основата со густи куси влакна свртени надолу, кои во горниот дел се поретки или ги нема. Базалните листови се густо влакнести, издолжено лопатовидни, на врвот заострени. Цветовите еднополни, групирани во главичести или речиси главичести соцветија. Чашката емдолга 3-4 мм, со ѕвонест облик, гола, бледа до бледозеленикава. Венечните ливчиња се бели.
Подвидови Прифатени се следниве подвидови:
*S. r. macrocarpa
*S. r. roemeri
Во Македонија Во Македонија расте по тревести места, пасишта, ливади и камењари од 500 до 2600 метри надморска височина. Ова е многу често растение по нашите планини.
Наводи
Категорија:Флора на Македонија Категорија:Флора на Европа Категорија:Плускавец (растение)