Жолтеникав плускавец (науч. Silene flavescens) е вид цветно растение од семејството каранфили, од родот плускавец, Silene. Природниот опсег му е Балканскиот Полуостров и Унгарија.
Опис Многугодишно растение со речиси здрвенет базален дел. Од основата на растението се развиваат многубројни цветни стебленца, кои се вертикални и високи до 30 см. Листовите се густо влакнести, по работи со долги влакна, сивозелени. Чашката е 10-13 мм долга, цилиндрична, густо влакнеста, со 10 паралелни зелени жили. Венечните ливчиња се жолтеникави. Плодната кутијка малку е подолга од чашката.
Подвидови Прифатени се овие подвидови: Silene flavescens subsp. dictaea Silene flavescens subsp. flavescens Silene flavescens subsp. stojanovii Silene flavescens subsp. thessalonica
Во Македонија Во Македонија расте по варовнички карпи и камењари до 1000 метри надморска височина. Ова е доста често растение, расте по клисури и планини низ Македонија.
Наводи
Категорија:Флора на Македонија Категорија:Флора на Европа Категорија:Плускавец (растение)