Amaranthus crispus е вид скриеносемено растение од семејството Amaranthaceae. Тоа е тревесто, едногодишно растение. Може да порасне до 0,5 м во висина. Цвета од лето до есен. Обично расте на пусти места, нарушени живеалишта или во близина на вода. Потекнува од Аргентина, Чиле и Уругвај, а е воведено и во Австралија, Австрија, Бугарија, Крим, поранешна Чехословачка, Франција, Унгарија, Италија, Романија, Сардинија, САД и поранешна Југославија.
Опис Едногодишно растение. Стеблото ползечко или придигнато, до 40 цм високо, силно разгрането, влакнесто, зелено или црвеникаво и со густи листови. Листовите мали, 5-12 мм долги, јајцевидно-ромбични или ланцетовидно-ромбични, по работ брановидно набрчкани и црвеникави, кон основата и врвот постепено стеснети, на врвот зашилени. Горната страна на ламината гола, а долната страна со куси влакна и со силно испакнати спроводни жили. Лисните дршки по големина скоро еднакви со ламината. Цветовите собрани во топчести или јајцевидно- гроздести соцветија. Брактеолите јајцевидни, заострени, за половина помали од перијантот на цветовите, ципести, со тенка зелена жила. Цветовите со 5 перијантни ливчиња. Перијантните ливчиња на машките цветови 1,2-1,3 мм долги, долгнавесто-ланцетни, ципести, со тенка зелена жила, тапи, на врвот со нежно кончесто осилче. Филаментите изразито подолги од перијантот. Перијантните ливчиња кај женските цветови обратно-јајцевидни до лопатовидни, во основата стеснети, на врвот тапи, а кај развиениот плод врвовите свртени кон него, ципести, со зелена тенка жила. Плодникот со 3 жига. Плодот широко елипсовиден, кон врвот заострен, по површината густо набрчкан, кон врвот помазен, подолг од перијантот и не распукнува со напречна пукнатина. Семката јајцевидна, лековидно сплескана, црна, сјајна.
Распространетост во Македонија Расте покрај згради во селски населби, патишта и по брегот на реките. Познато само за пл. Јакупица - помеѓу планинарскиот дом „Караџица" и Солунска Глава.
Се посочува за крајбрежјето на Вардар помеѓу Велес и Демир Капија.
Наводи
Таксономски, научни и информации за дистрибуција на Флора на Северна Америка (efloras.org)
Категорија:Флора на Уругвај Категорија:Флора на Чиле Категорија:Флора на Аргентина Категорија:Флора на Македонија